Ո՞ւմ կհասնի Apple-ի 10.000 դոլարանոց նվերը
App Store-ից ընդհանուր ներբեռնումների քանակը մոտենում է 50 միլիարդին: Այն օգտվողին, ում կհաջողվի քաշել «հոբելյանական» հավելվածը, Apple-ը կպարգևատրի 10.000 դոլար արժողությամբ iTunes-ի նվեր քարտով: Նրան հաջորդող 50 օգտատերերը կստանան ավելի համեստ մրցանակ՝ 500 դոլարանոց սերտիֆիկատ:
«Վեստիի» փոխանցմամբ՝ հոդվածի հրապարակման պահին ներբեռնումների քանակը կազմում էր 49.432.257.512: Ակցիային կարելի է մասնակցել երկու տարբերակով. Ավտոմատ ներբեռնելով ցանկացած հավելված App Store-ից, կամ էլ՝ հարցում ուղարկել առանց գնման:
Մասնակցել կարող են լմիայն այն օգտատերերը, ում 13 տարեկանը լրացել է: Միևնույն ժամանակ նշվում է, որ մեկ օրվա ընթացքում ավելի քան 25 դիմում ուղարկելն արգելվում է: Հաղթողների ցանկը Apple-ը խոստանում է հրապարակել մրցույթի ավարտին հաջորդած 10 օրերի ընթացքում:
