Միջադեպ եղել է, սակայն՝ տեղամասից դուրս. ԿԸՀ
Haynews.am-ը այսօր տեղեկատվություն էր տարածել, որ Ավանի 01/01 ընտրատեղամասում Ավանի փոխթաղապետ Սամվել Ղումաշյանը խոչընդոտել էՔՀԻ դիտորդի աշխատանքը՝ փորձելով ձեռքից խլել հեռախոսը, որով դիտորդը նկարում էր, թե ինչպես է Ղումաշյանը մարդկանց ուղեկցում ընտրատեղամաս։
ՀՀ Կենտրոնական ընտրական հանձնաժողովը հանդես է եկել պարզաբանմամբ։ ԿԸՀ-ն նշել է, որ տեղամասային նախագահի (Անդրեասյան Էդիկ) հաղորդմամբ միջադեպը տեղի է ունեցել տեղամասային կենտրոնից դուրս, և որևէ առնչություն չունի տեղամասում անցկացվող քվեարկության հետ:
Փաստորեն, ԿԸՀ-ն ըստ էության չի հերքել, որ տեղի է ունեցել հանցագործություն։ Պարզապես դրա պատասխանատվությունը իրենց վրայից գցել են ոստիկանության վրա։
