Մի քանի տարի առաջ մահացածների անուններ՝ 7/13 ընտրատեղամասի ցուցակում

Մալաթիայի 7/13 ընտրատեղամասում հանձնաժողովի անդամների միջև լարվածությունը պահպանվում է։ Շարունակվում են տարաձայնություններ՝ տարբեր հարցերի շուրջ։ Դժգոհությունները հիմնականում կապված են ընտրացուցակների անճշտությունների հետ։ Մասնավորապես, դրանցում առկա են մահացած մարդկանց անուններ։ Ընդ որում՝ ոչ թե նոր, այլ տարիներ առջ մահացածների։ Օրինակ՝ ընտրացուցակում տեղ էր գտել Անդրանիկի 44շ. 55 բնակարանում գրանցված Արմեն Հայկի Մելիքյանի անունը, ով մահացած է 4-5 տարի առաջ։ Նրա անունը ցուցակում տեսավ նույն հասցեում հաշվառված ընտրողը և իր դժգոհությունը արտահայտեց։

Ավելացնենք, որ այս պահին 7/13 տեղամասում ժամը 11։00-ի դրությամբ ընտրություններին մասնակցել են 225 ընտրող։