Խոշոր հրդեհ՝ Երևանի մանկատանը (լրացված)
Ինչպես արդեն տեղեկացրել էինք, այսօր ժամը 18։45-ի սահմաններում խոշոր հրդեհ է բռնկվել ՀՀ Աշխատանքի և սոցիալական հարցերի նախարարության «Մարի Իզմիլյանի» անվան մանկատանը:
Ինչպես դեպքի վայրից հայտնում է ֆոտոլրագրող Գագիկ Շամշյանը, այս պահի տվյալներով արդեն հրդեհի վայր են ժամանալ Շտապ օգնության և Հրշեջ ծառայության մեծ թվով բրիգադներ, ու մինչ նրանց ժամանումը մանկատան աշխատակիցները կարողացել են իրենց ուժերով երեխաներին դուրս բերել:
Այս պահին հրշեջները, մի քանի հաշվարկներով փորձում են մարել կրակը:
Դեպքի վայր է ժամանել ՀՀ Արտակարգ իրավիճակների նախարարության փրկարար ծառայության օպերատիվ վարչության պետ Արման Ցոլակյանը, տեղում է նաև ոստիկանության Քանաքեռ-Զեյթուն բաժնի օպերատիվ քննչական խումբը:
***
19:30
Քիչ առաջ ֆոտոլրագրող Գագիկ Շամշյանը հայտնեց, որ հրշեջները արդեն մարել են կրակը, մեկուսացվել է ամբողջությամբ, և բարեբախտաբար զոհեր և վիրավորներ չկան: Իսկ դեպքի վայր էին ժամանել 8 մարտական հաշվարկ հրշեջներ, 4 շտապ օգնության բրիգադներ:
Ֆոտոլրագրողը հայտնում է, որ սա այն դեպքն է, որ ծառայություններ աշխատեցին օպերատիվ:
Լուսանկարը՝ Գագիկ Շամշյանի
