400 հազար դոլար՝ Շվեդիայում ՀՀ դեսպանություն ստեղծելու համար
Շվեդիայի Թագավորությունում Հայաստանի Հանրապետության դեսպանություն ստեղծելու նպատակով ՀՀ արտաքին գործերի նախարարությանը հատկացվել է շուրջ 168 մլն դրամ (շուրջ 400 հազար դոլար)։ Նման որոշում է ընդունել ՀՀ կառավարությունն իր այսօրվա նիստում։ Ինչպես նշվում է կառավարության պաշտոնական հաղորդագրության մեջ, դեսպանության բացումը խթան կհանդիսանա զարգացնելու հայ-շվեդական երկկողմ հարաբերությունները, այդ թվում` առևտրատնտեսական ոլորտում և օգտվելու Շվեդիայի տնտեսական հզոր ներուժից։
