Ռուսական ռազմանավն առաջին անգամ կայցելի Իսրայել
Ռուսական ИТАР-ТАСС լրատվական գործակալության փոխանցմամբ՝ Ռուսաստանի Սևծովյան նավատորմի ռազմանավն առաջին անգամ կայցելի Իսրայել: Այս մասին հայտարարել է Ռուսաստանի ռազմածովային նավատորմի պաշտոնական ներկայացուցիչը:
Վերջինիս խոսքերով՝ Սևծովային նավատորմի «Ազով» խոշոր դեսանտանավը մայիսի 1-3-ին մտնել է Հայֆայի նավահանգիստ: Այդ այցը պայմանավորված է Հայրենական Մեծ պատերազմում տարած հաղթանակի 68-ամյակով: Նման նախաձեռնությամբ հանդես են եկել Իսրայելի վետերան կազմակերպությունները:
Դրանով իսկ Ռուսաստանի ռազմածովային ուժերի ներկայացուցիչներն Իսրայելի ստեղծումից ի վեր առաջին անգամ այդ երկրում կմասնակցեն տոնական միջոցառման: Ռուսական ռազմանավը բաց կլինի տեղի այցելուների համար:
