Հեպարդը մի քանի քերծվածք է թողել Բոտսվանայի նախագահի դեմքին
France-Presse լրատվական գործակալության փոխանցմամբ՝ հեպարդը մի քանի քերծվածք է թողել Բոտսվանայի նախագահ Յան Խամայի երեսին, երբ վերջինս այցելել էր երկրի ռազմաբազաներից մեկը:
Նախագահի ներկայացուցչի խոսքերով՝ նախագահի կյանքին ու առողջությանը վտանգ չի սպառնում: Նախագահը գտնվել է մեծավանդակի հարևանությամբ, ուր կերակրել են գիշատչին, և չափազանց շատ է մոտեցել ճաղերին, ինչից հետո գիշատիչն իր թաթով ճանկռտել է նրա երեսը:
Դրա հետևանքով նախագահի երեսին դրվել է մի քանի կար, նախագահը նաև մի փոքր վախեցել է: Նշվում է, որ այս միջադեպը գրանցվել է մոտ մեկ շաբաթ առաջ, և նախագահի աշխատակազմը չի պատրաստվել այս մասին հանդես գալ պաշտոնական հայտարարությամբ:
Ավելի ուշ նախագահի ներկայացուցիչները որոշել են պարզաբանումներ այդ միջադեպի կապակցությամբ, քանի որ լրագրողները սկսել են հետաքրքրվել նախագահի դեմքին դրված սպեղանիով:
