Մենք ցանկանում ենք Ռուսաստանին մղել դեպի անկյուն. Ալասանիա
Radio Free Europe-ին տված հարցազրույցի ժամանակ Վրաստանի պաշտպանության նախարար Իրակլի Ալասանիան հայտարարել է, որ իրենք ցանկանում են Ռուսաստանին մղել դեպի անկյուն՝ նրան զրկելով Թբիլիսիի վրա հարձակվելու յուրաքանչյուր առիթից.
«Ահա թե որն է Ռուսաստանի հանդեպ մեր քաղաքականությունը: Վրաստանը ցանկանում է վերացնել Ռուսաստանի հետ հարաբերություններում լարվածությունը, որպեսզի ունենա ազատ տիրույթ և զարգանալու հնարավորություն:
Իրականությունն այն է, որ հյուսիսում գտնվող 140 միլիոն բնակչությամբ միջուկային երկիրը մեզանից ոչ մի տեղ չի չքանա: Մենք պետք է ինչ-որ բան անենք՝ կապված դրա հետ: Իսկ ի՞նչ է պետք անել լավագույն դեպքում:
Բնականաբար, պետք է զարգացնել առևտրային հարաբերությունները, ժողովուրդների միջև հարաբերությունները: Ռուսաստանում բնակվում է ավելի քան 1 միլիոն վրացի: Այդպիսի մոտեցումը Վրաստանում անվանում են Ռուսաստանի հանդեպ իրատեսական մոտեցում»:
