Windows-ի հիման վրա պատրաստված փոքր պլանշետները շուտով կհայտնվեն խանութներում
Որոշ ժամանակ առաջ լուրեր էին տարածվել այն մասին, թե Microsoft ընկերությունը Windows 8 և RT-ի հիման վրա պլանշետային համակարգիչներ է պատրաստում, և որոնք արդեն գոյություն ունեցողներից ավելի փոքր կլինեն: Ահա ընկերությունն այդ մասին հանդես է եկել պաշտոնական հայտարարությամբ:
Microsoft ընկերության ֆինանսական տնօրենը ընկերության եռամսյակային արդյունքների հաշվետվությունը ներկայացնելիս՝ ասել է, որ ընկերությունը սերտորեն համագործակցում է գործընկերների հետ՝ Windows-ի հիման վրա փոքր սենսորային սարքավորումներ ստեղծելու ուղղությամբ: Նրա խոսքով, դրանք մատչելի կլինեն և հասանելի կլինեն առաջիկա ամիսներին:
