Թավրիզի մոտ տեղի է ունեցել 5.2 բալանոց երկրաշարժ
Իրանական IRIB հեռուստաալիքի փոխանցմամբ՝ այսօր ուժգին երկրաշարժ է գրանցվել Թավրիզ քաղաքի մոտակայքում: Երկրաշարժի ուժգնությունը կազմել է 5.2 բալ՝ Ռիխտերի սանդղակով:
Երկրաշարժը տեղի է ունեցել տեղական ժամանակով ժամը 15.09-ին: Թավրիզից բացի ստորեկրյա ցնցումները զգացվել են նաև Թավրիզի մոտ գտնվող մի շարք քաղաքներում: Ամենաշատ դրանք զգացվել են Թասուջ քաղաքում:
Երկրաշարժը զգացվել է նաև Նախիջևանի ինքնավար հանրապետությունում. Նախիջևան և Օրդուբադ քաղաքներում ստորերկյա ցնցումների ուժգնությունը կազմել է 3 բալ: Ընդհանուր առմամբ երկրաշարժի էպիկենտրոնը գտնվել է Նախիջևանից 82 կիլոմետր դեպի հարավ-արևմուտք:
Այսօրվա երկրաշարժը վերջին 10 օրվա ընթացքում Իրանում գրանցված երրորդ խոշոր երկրաշարժն է:
