Մնացին երեքը
Այսօր Կենտրոնական ընտրական հանձնաժողով կուսակցության և կուսակցության համամասնական ցուցակում ընդգրկված թեկնածուների գույքի և եկամտի մասին հայտարարագրեր են ներկայացրել «Օրինաց Երկիր» և «Հայ ազգային կոնգրես» կուսակցությունները: Այս մասին 168.am-ին հայտնեց ԿԸՀ մամուլի քարտուղար Հերմինե Հարությունյանը:
Հիշեցնենք, որ մինչև ապրիլի 5-ը Երևանի ավագանու ընտրությունների մասնակցող ուժերը պարտավոր են ԿԸՀ ներկայացնել գույքի և եկամտի վերաբերյալ հայտարարագրեր: Երեկ նման հայտարարագրեր ներկայացրել են Հայաստանի հանրապետական կուսակցությունը և «Բարգավաճ Հայաստան» կուսակցությունը: Նման հայտարարագրեր առայժմ չեն ներկայացրել Հայ հեղափոխական դաշնակցություն, «Առաքելություն» կուսակցությունները և «Բարև, Երևան» նախընտրական դաշինքը:
Նշենք, որ մայիսի 5-ին Երևանում տեղի կունենան ավագանու ընտրություններ, որին մասնակցում են վեց կուսակցություններ և մեկ նախընտրական դաշինք:
