Նինո Կատամաձեն Երևանում (ֆոտոշարք)
«Insight» խմբի մեներգչուհի, ազգությամբ վրացի էթնիկ և ջազ ոճի երգչուհի Նինո Կատամաձեն երեկ Երևանում էր: Ինչպես արդեն տեղեկացրել էր 168.am-ը «Յանս» երաժշտական ակումբում ջազ երգչուհին հայ հանդիսատեսին ներկայացրել է իր նոր՝ «Green» ձայնասկավառակի երգերը:
«Գունավոր» ձայնասկավառակի առաջին՝ Uncle Klaus կոչվող երգի առաջին իսկ հնչյուններից Նինո Կատամաձեն իր ձայնային երանգների շնորհիվ գրավեց հայ պահանջատեր հանդիսատեսի միտքն ու ակումբում ստեղծեց լարվածության, բայց միևնույն ժամանակ հանգստության մթնոլորտ, ինչին նպաստել էին նաև ակումբային կանաչ լույսերը:
Բոլորովին անսպասելի Նինոն մի քանի երգից հետո խնդրեց հանդիսատեին երգել իր հետ, անգամ բեմ հրավիրեց երաժիշտ Լիլիթ Պիպոյանին, ում, ինչպես Կատամաձեն ներկայացրեց, «ինքը շատ է սիրում ու գնահատում` որպես արտիստ»:
Վերջում Նինո Կատամաձեն հանդիսատեսին նվիրեց իր հայտնի երգերից մեկը՝ Olei-ը:
Ի դեպ նոր ձայնասկավառակում զետեղված է ինը՝ Uncle Klaus, Until, Gammai, Vahagn, English, If I Could, Les Oiseaux, Hello John!, Dream երգերը:
