ԱԷՄԳ-ի պատվիրակությունը մոտ ժամանակներս կայցելի Իրան
Ռուսական РИА Новости լրատվական գործակալության փոխանցմամբ՝ ԱԷՄԳ-ի տեսուչները մոտ ժամանակներս կայցելեն Իրան: Այս մասին այսօր լրագրողների հետ զրույցում հայտարարել է Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչը:
Վերջինիս խոսքերով՝ ԱԷՄԳ-ի տեսուչների իրանական այցը կդառնա կարևոր նախապատրաստական քայլ՝ Իրանի ու «Վեցյակի» միջև առաջիկա հանդիպման համար, որն անցկացվելու է արտգործնախարարների մակարդակով:
Հիշեցնենք, որ Իրանի ու «Վեցյակի» միջև բանակցությունների հերթական փուլն անցկացվելու է փետրվարի 26-ին, Ղազախստանի Ալմա Աթա քաղաքում:
