Մոսկվայից Երևան մեկնած ինքնաթիռում ծեծկռտուք է բռնկվել
Ռուսական «Վզգլյադ» թերթի փոխանցմամբ՝ S7 ընկերությանը պատկանող ինքնաթիռում, որը Մոսկվայից մեկնում էր Երևան, ծեծկռտուք է բռնկվել: Միջադեպը գրանցվել է ինքնաթիռի վայրէջք կատարելու ժամանակ, երբ սրահի հետին շարքերում գտնված երկու ուղևորներ սկսել են վիճաբանել միմյանց հետ: Ապա նրանցից մեկը հարվածել է մյուսի դեմքին, և սկսել է հարձակվել բոլորի վրա, ովքեր իրեն դիտողություն են արել:
Ուղևորներն ինքնաթիռի անձնակազմին խնդրել են էլեկտրաշոկ կիրառել կռվարարի նկատմամբ, սակայն դա տեղի չի ունեցել: Դրա փոխարեն խուլիգանին բռնի ուժով քարշ են տվել դատարկ վիճակում գտնվող բիզնես-սրահ և պահել այնտեղ մինչև ինքնաթիռի վայրէջք կատարելը: Ռուսական НТВ հեռուստաընկերության տվյալներով՝ վայրէջքից հետո կռվարարը ձերբակալվել է Հայաստանի ոստիկանության կողմից:
