ԲՀԿ-ն չի՞ սատարի Սերժ Սարգսյանին. մամուլ
Երեկ «Ժամանակը» փորձեց ԲՀԿ գործարարների կողմից Սերժ Սարգսյանի հնարավոր սատարման մասին պարզաբանում ստանալ ԲՀԿ խոսնակ Տիգրան Ուրիխանյանից։ Նա հայտարարեց, թե համոզված է, որ ԲՀԿ–ականների համար կուսակցության և կուսակցության առաջնորդի դիրքորոշումը առաջնային և կարևորագույն, իրականացման համար ենթակա նշանակություն ունեցող երևույթներ են՝ հավելելով, թե նման խոսակցությունները նպատակ ունեն «ստեղծելու տպավորություն և ոչ թե տեղեկացնելու»։
«ԲՀԿ-ն նախագահական ընտրությունների վերաբերյալ մեկ անգամ կայացրել է որոշում՝ երկու կետից բաղկացած, և այլ թեմայի շուրջ խոսելն անիմաստ է», – ԲՀԿ խոսնակի խոսքն է մեջբերում «Ժամանակ» օրաթերթը։
