Լոնդոնում ուղղաթիռը բախվել է ամբարձիչ կռունկին (տեսանյութ, լուսանկարներ)
Բրիտանական The Guardian թերթի փոխանցմամբ՝ Լոնդոնի կենտրոնում՝ երկաթուղային կայարանի հարևանությամբ, ուղղաթիռ է ընկել: Դրա հետևանքով զոհվել է երկու մադր, որոնցից մեկը հանդիսացել է օդաչուն:
Ոստիկանության տվյալներով՝ ընդհանուր առմամբ տուժել է 9 մարդ, որոնցից մեկի վիճակը գնահատվում է ճգնաժամային: Մնացածն ավելի թեթև վնասվածքներ են ստացել: Ականատեսների վկայությամբ՝ ուղղաթիռը բախվել է ամբարձիչ կռունկի աշտարակին՝ ինչից հետո ուղղաթիռում հրդեհ է բռնկվել: Ամբարձիչ կռունկը ստացած հարվածից շրջվել է և ընկել գետին: Դրա հետևանքով այրվել է մի քանի ավտոմեքենա:
Ուղղաթիռն իր հերթին ընկել է բրիտանական MI6 արտաքին հետախուզական ծառայության շտաբ-բնակարանից ընդամենը մի քանի հարյուր մետր հեռավորության վրա:
