Սերժ Սարգսյանի նախընտրական ծրագիրը տպարանում է. մամուլ
«Սերժ Սարգսյանի նախընտրական ծրագիրը հանրությանը հասանելի կլինի այս շաբաթ օրը՝ հունվարի 19-ին։ Այն այժմ տպարանում է՝ պատրաստ տպագրության։ Այս մասին մեր թղթակիցը պարզել է Հանրապետական կուսակցության կենտրոնական գրասենյակից»,- գրում է «Հայկական Ժամանակ» օրաթերթը և շարունակում.
«Սերժ Սարգսյանի կողմից ՀՀԿ համագումարում ներկայացված ծրագիրը վերամշակվել է, համալրվել նոր առաջարկներով և ուղարկվել տպագրության։ Հունվարի 19-ին այն տեղադրված կլինի կուսակցության կայքում։ Այս մասին տեղեկացրել է ՀՀԿ գործադիր մարմնի անդամ, կուսակցության կազմակերպչական հանձնաժողովի նախագահ Ռուբեն Թադևոսյանը։ Սերժ Սարգսյանի նախընտրական շտաբն առայժմ ժլատ է քարոզարշավին վերաբերող տեղեկություններ տարածելուց»։
