Ֆլորա Մարտիրոսյանի դին կհանգչի Կոմիտասի անվան պանթեոնում
168.am-ի աղբյուրները քիչ առաջ տեղեկացրեցին, որ ՀՀ ժողովրդական արտիստուհի Ֆլորա Մարտիրոսյանի դին առաջիկա օրերին կտեղափոխվի Հայաստան:
Ինչպես արդեն տեղեկացրել էինք, ստեղծվել է կառավարական հանձնաժողով, և այժմ հանձնաժողովն ԱՄՆ-ում ՀՀ դեսպանատան ներկայացուցիչների հետ քննարկում են երգչուհու դին Հայաստան տեղափոխելու հետ կապված կազմակերպչական հարցերը:
Մեր տեղեկություններով՝ ՀՀ ժողովրդական արտիստուհու դին կհանգչի Երևանի Կոմիտասի անվան պանթեոնում:
Հիշեցենք, որ նոյեմբերի 20-ին ԱՄՆ-ում մահացել է հայտնի ժողովրդական արտիստուհի Ֆլորա Մարտիրոսյանը:
