Պետք է քրտնաջան աշխատեմ և օգտակար լինեմ Ռեալի համար. Էսյեն
Մադրիդի «Ռեալի» կիսապաշտպան Մայքլ Էսյենը հայտարարել է, որ ցանկանում է օգտակար լինել իր ներկայիս թիմին։
«Իհարկե, ինձ համար անսովոր էր «Սելտայի» հետ խաղում զբաղեցնել ձախ պաշտպանի դիրքը։ Սակայն մեր մարզիչ Ժոզե Մոուրինյոն ինձ խնդրեց անել դա, և ես գիտեի, որ կկարողանամ խաղալ այդ դիրքում։
Ես պետք է քրտնաջան աշխատեմ և օգտակար լինեմ «Ռեալին»։ Կփորձենք հաջորդ խաղում վաստակել հերթական 3 միավորը», – Էսյենի խոսքերն է մեջբերում Marca-ն։
Հիշեցնենք, որ այս պահին Իսպանիայի չեմպիոնը կադրային լուրջ խնդիրներ ունի, մասնավորապես, շարքից դուրս են եկել հիմնական կազմի եզրային պաշտպանները՝ Մարսելոն, Արբելոան և Կոենտրաուն։
Մարզական լրահոսն ապահովում է SportArmenia.com-ը
