Փոխադարձ խազեր. խազել են Նաիրա Զոհրաբյանի ավտոմեքենան
ԱԺ ՀՀԿ խմբակցության պատգամավոր Արփինե Հովհանիսյանի ավտոմեքենան մոտ մեկ ամիս առաջ «խազել» էին, ինչը նա բացատրել էր իր նկատմամբ որոշ մարդկանց ունեցած նախանձով, և դրա տակ քաղաքական ենթատեքստ էր տեսել:
168.am-ի տեղեկություններով` «խազել» են նաև ԲՀԿ խմբակցության քարտուղար Նաիրա Զոհրաբյանի ծառայողական մեքենան: Առայժմ հայտնի չէ` արդոք այս «խազոցները» ինչ-որ կապ ունե՞ն իրար հետ, սա ԲՀԿ-ՀՀԿ հակամարտության նոր դրսևորո՞ւմ է, պե՞տք է սպասել, որ առաջիկայում կխազվեն այլ մեքենաներ ևս, թե՞ կան երրորդ ուժեր, որոնք ուզում են այս խազերի միջոցով ցույց տալ, որ ՀՀԿ-ի և ԲՀԿ-ի միջև ոչ մի տարբերություն էլ չկա:
