Ֆերգյուսոն. Յունայթեդը մրցաշրջանի լավագույն հանդիպումն անցկացրեց
«Մանչեսթեր Յունայթեդի» գլխավոր մարզիչ Ալեքս Ֆերգյուսոնն Անգլիայի առաջնությունում «Նյուքասլի» նկատմամբ տոնած հաղթանակից հետո (3:0) նշել է, որ ֆուտբոլիստները վճռական էին գործում:
«Այս մրցաշրջանում սա մեր լավագույն հանդիպումն էր: Առաջին 20 րոպեներին թիմն իդեալական տեսք ուներ»,-Ֆերգյուսոնի խոսքերն է մեջբերում Sky Sports-ը:
«Ֆուտբոլիստները շատ վճռական էին գործում, ու չէին կորցնում կենտրոնացվածությունը: Խաղացողները հոգեբանական ճնշում են զգում նույնիսկ մրցաշրջանի մեկնարկում, ինչը այդքան էլ լավ չի ազդում արդյունքների վրա:
«Նյուքասլի» նկատմամբ հաղթանակը շատ կարևոր էր, քանի որ թույլ չտվեցինք «Չելսիին» շատ առաջ անցնել»:
Մարզական լրահոսն ապահովում է SportArmenia.com-ը
