Պատահար. զինվորի վիճակը ծայրահեղ ծանր է
168.am-ի տեղեկություններով, այսօր երեկոյան պատահար է արձանագրվել Երևանում: Մեր աղբյուրների փոխանցմամբ` զինվորներին տեղափոխող ավտոմեքենա է վթարի ենթարկվել, ինչի արդյունքում զինվորները հոսպիտալացվել են տարբեր հիվանդանոցներում:
Մեր աղբյուրների փոխանցմամբ` այս պահին Երևանի «Հանրապետական» հիվանդանոցում է գտնվում 1 զինվոր, ում վիճակը գնահատվում է ծայրահեղ ծանր: Հիվանդանոցի ընդունարանում հրաժարվում են տեղեկատվություն հաղորդել` ասելով, թե իրավասու չեն:
Այս տեղեկատվությունը պարզելու համար մեր թղթակիցը փորձում է զանգահարել ՀՀ պաշտպանության նախարարի խոսնակ Արծրուն Հովհաննիսյանին, սակայն վերջինս անհասանելի է:
