Բաշար Ասադը շնորհավորել է Հայաստանի անկախության տոնը
Սիրիայի նախագահ Բաշար ալ Ասադը Հայաստանի Անկախության տոնի առիթով շնորհավորական ուղերձ է հղել Հայաստանի Հանրապետության Նախագահ Սերժ Սարգսյանին: Այս մասին հաղորդում է «Արմենպրես»-ը` վկայակոչելով արաբական լրատվամիջոցները:
Նախագահ Ասադն իր և սիրիական ազգի անունից լավագույն մաղթանքներ է հղել և հաջողություններ ցանկացել նախագահ Սերժ Սարգսյանին և բարեկամ հայ ժողովրդին:
