Apple կորպորացիան այսօր վաճառքի է հանել նոր՝ iPhone 5 սմարթֆոնը
Ամերիկյան Apple կորպորացիան այսօր վաճառքի է հանել նոր՝ iPhone 5 սմարթֆոնը, գրում է rosbalt.ru-ն:
Վաճառքի մեկնարկը տրվել է Ավստրալիայից: Նրան հետևել են Ճապոնիան, Հոնկոնգը և Սինգապուրը: Ավելի ուշ, սմարթֆոնը վաճառքի կհանվի Ֆրանսիայում, Գերմանիայում, Մեծ Բրիտանիայում, ԱՄՆ-ում և Կանադայում:
Սեպտեմբերի 28-ին iPhone 5-ը կհայտնվի ևս 22 երկրների խանութներում: Նոր սմարթֆոնների նախնական պատվերները առաջին օրերին մոտեցել են 2 միլիոնին, ինչը երկու անգամ գերազանցում է 2011 թվականի աշնանը թողարկված iPhone4S-ի ցուցանիշները: Որոշ վերլուծաբաններ կարծում են, որ միչև սեպտեմբերի վերջը ընկերությունը 10 մլն սմարթֆոն կիրացնի:
