ԱՄՆ-ում դպրոցական ավտոբուսի վթարից ավելի քան 25 երեխա է վիրավորվել
Ավելի քան 25 երեխա է հոսպիտալացվել ԱՄՆ-ի Թեննեսի նահանգում դպրոցական ավտոբուսի վթարի հետևանքով: Այդ մասին հաղորդում է Associated Press-ը՝ հղում կատարելով տեղի ոստիկանությանը:
Վթարը տեղի է ունեցել սեպտեմբերի 20-ին Ջոնսբորո քաղաքից 10 կմ հարավ-արևմուտք:
Նախնական տվյալների համաձայն՝ վարորդը կորցրել է ավտոբուսի կառավարումը, և այն մայրուղու վրա շրջվել է:
Ավտոբուսում եղել է Crockett միջնակարգ դպրոցի 63 դպրոցական: Ավելի քան 25 երեխա վնասվածքներ է ստացել: 1 աղջկա վիճակը ծանր է, նրան վիրահատել են: Հոսպիտալացվել է նաև ավտոբուսի վարորդը:
