«Ազատ դեմոկրատները» կպաշտպանեն Րաֆֆի Հովհաննիսյանին
168.am-ի հետ զրույցում «Ազատ դեմոկրատներ» կուսակցության փոխնախագահ Անուշ Սեդրակյանն ասաց, որ 2013թ. նախագահական ընտրություններում իրենք միանշանակ պաշտպանելու են «Ժառանգության» առաջնորդ Րաֆֆի Հովհաննիսյանի թեկնածությունը:
«Մեր դիրքորոշումն անփոփոխ է, եթե Րաֆֆի Հովհաննիսյանը դնում է իր թեկնածությունը, մենք, միանշանակ, պաշտպանելու ենք նրան»,- ասաց Ա. Սեդրակյանը:
Հիշեցնենք, որ այսօր Ր. Հովհաննիսյանը հայտարարել է, որ առաջիկա նախագահական ընտրություններում առաջադրելու է իր թեկնածությունը:
