Հալեպում կրկին հայ է զոհվել
Հալեպի Նոր գյուղի շրջանում բախումների հետևանքով կրկին հայ է զոհվել. առանց այլ մանրամասներ հայտնելու Tert.am-ին ասել է Արտաքին գործերի նախարարության մամուլի խոսնակ Տիգրան Բալայանը:
«Արմենպրեսի» տեղեկություններով՝ երիտասարդի անունը Կոկո Ղազարյան է, ով զոհվել է դիպուկահարի արձակած գնդակից:
Հիշեցնենք, որ 4 օր առաջ էլ Երևան-Հալեպ չվերթով Սիրիա մեկնած և Հալեպի օդանավակայանից տուն վերադարձող ազգությամբ 4 հայեր զոհվել էին, 10 -ը՝ վիրավորվել, ընկնելով Սիրիայի ապստամբների կրակահերթերի տակ:
