ՀՀԿ գործադիր մարմնի նիստում քննարկումներ՝ ներքին ու արտաքին խնդիրների շուրջ
Քիչ առաջ ավարտվել է ՀՀԿ գործադիր մարմնի հերթական նիստը, որը վարել է ՀՀԿ կուսակցության առաջնորդ, հանրապետության նախագահ Սերժ Սարգսյանը:
Ինչպես նիստից հետո լրագրողներին տեղեկացրել է Ազգային ժողովի փոխնախագահ, ՀՀԿ խոսնակ Էդուարդ Շարմազանովը, քննարկվել են ներկուսակցական հարցեր, արտաքին քաղաքական հարցեր: Նաեւ անդադարձ է եղել տեղական ինքնակառավարման մարմինների ընտրություններին:
ՀՀԿ գործադիր մարմնի նիստից հետո Շարմազանովն ասել է, որ որոշվել է միջազգային կառույցներում ներկայացնել ղարաբաղյան հարցի բուն էությունը, «Ադրբեջան պետության ֆաշիստական դերակատարումը և Հունգարիայի իշխանությունների հակահումանիստական քայլը», այսպիսով բարձրացնել նշյալ հարցերը խորհրդարանական դիվանագիտության շրջանակներում։
