Շեյխերը Մանչեսթեր Սիթիի գլխավոր մարզչի պաշտոնում ցանկանում են տեսնել Ժոզե Մոուրինյոյին
Մենք արդեն տեղեկացրել ենք, որ ամառային տրանսֆերային պատուհանի ժամանակ «Մանչեսթեր Սիթին» Մադրիդի«Ռեալի» ղեկավարությանը Կրիշտիանո Ռոնալդուի տրանսֆերի համար առաջարկել է 200 մլն եվրո։ Այս մասին հաղորդել է AS-ը։ Իսպանական նույն աղբյուրի համաձայն՝ Ռոնալդուն միակ թիրախը չէ Անգլիայի չեմպիոնի արաբ սեփականատերերի համար։
Շեյխերն իրենց թիմի գլխավոր մարզչի պաշտոնում տեսնում են Ժոզե Մոուրինյոյին։ Չնայած գործող գլխավոր մարզիչ Ռոբերտո Մանչինիի արդյունավետ աշխատանքին, արաբները շարունակում են ուղիներ փնտրել Մոուրինյոյին հրավիրելու համար։ Անցած մրցաշրջանում, երբ քննարկվում էր «Ռեալի» հետ Մոուրինյոյի պայմանագրի երկարաձման հարցը, «Սիթիի» սեփականատերը հանդիպել է պորտուգալացի ֆուտբոլային գործակալ Խորխե Մենդեսի հետ՝ փորձելով նրա միջոցով հրավիրել Մոուրինյոյին։ Սակայն Ժոզե Մոուրինյոն որոշեց երկարաձգել պայամանագիրն «արքայական» ակումբի հետ և մնալ Մադրիդում։
Մարզական լրահոսն ապահովում է SportArmenia.com-ը
