Գնահատական` Կովկասի խորքից
ԱԺ «Օրինաց երկիր» խմբակցության անդամ Հովհաննես Մարգարյանն ԱԺ-ում տեղի ունեցող արտահերթ նիստում հայտարարեց, թե Ադրբեջանն իրավունք չունի կոչվելու կովկասցի, քանի որ «Կովկասի տղամարդը չի կարող քնած մարդուն կացնահարել»:
Նաև հավելեց. «Շակալը կարող է իր մաշկի գույնը փոխել, իսկ իր տեսակն ու կաշին՝ երբե՛ք»:
Որպես իսկական կովկասցի` նա նշեց, թե Հայաստանի պահանջները պետք է շատ ավելի կոշտ հնչեցվեն եվրոպական կառույցներում, որպեսզի «աշխարհը խստությամբ դատապարտի Հունգարիայի կողմից մարդասպանի արտահանձնումն ու Ալիևի կողմից նրան ներում շնորհելը»:
