Հունգարիայի հարցերով զբաղվող հայ դիվանագետը հրաժարվել է մեկնաբանել Ռամիլ Սաֆարովի արտահանձնման որոշումը
Հունգարիայում Հայաստանի Հանրապետությունը դիվանագիտական ներկայացուցչություն չունի, այդ երկրում Հայաստանը ներկայացնում է Ավստրիայում ՀՀ դեսպանատունը: 168.am-ի թղթակիցը փորձել է պարզել` արդյո՞ք դեսպանատանը տեղյակ են եղել հայ սպա Գուրգեն Մարգարյանին կացնահարած Ռամիլ Սաֆարովին արտահանձնելու մասին որոշմանը և ընհանրապես` արդյո՞ք դեսպանատունը որևէ կերպ զբաղվել է այս խնդրով:
Ավստիրայում ՀՀ դեսպանատան` Հունգարիայի հարցերով խորհրդական Արթուր Մուշեղյանը, սակայն, հրաժարվել է որևէ կերպ մեկնաբանել տեղի ունեցածը` խորհուրդ տալով միայն սպասել, թե այդ հարցի վերաբերյալ ինչ հայտարարություն կլինի նախագահականից և արտգործնախարարությունից:
