Apple-ի և Google-ի ղեկավարները բանակցում են պատենտների հարցում
Apple ընկերության ղեկավար Թիմ Քուքը և Google-ի ղեկավար Լարի Փեյջը բանակցում են պատենտային մի շարք հարցերի շուրջ: Այս մասին գրում է Bloomberg-ը` հղում անելով բանակցություններին ներկա գտնվող աղբյուրին:
Ըստ աղբյուրի՝ երկու ընկերությունների ղեկավարների բանակցությունների արդյունքում փաստացի պայմանավորվածություն ձեռք չի բերվել, սակայն նրանք պայմանավորվել են քննարկել պատենտների հարցը: Apple-ն առայժմ Google-ի հետ դատական վեճ չունի:
Հիշեցնենք, որ օգոստոսի 25-ին ամերիկյան դատարանը Samsung ընկերությանը մեղավոր էր ճանաչել Apple-ի վեց մոդելների նմանակման մեջ: Դատարանը Samsung-ին պարտավորեցրել է Apple-ին 1,05 մլրդ դոլար փոխհատուցում վճարել:
