Լոռվա խճուղում վրացական բեռնատար է շրջվել
Վանաձորի Լոռիի խճուղում` հին գերեզմանատան մոտակայքում, շրջվել է ավտոմեքենա: Այս մասին Արտակարգ իրավիճակների նախարարությունը տեղեկություն է ստացել օգոստոսի 31-ին, ժամը 05.41-ին: ԱԻՆ լրատվական ծառայությունից տեղեկացնում են, որ դեռեւս չպարզված հանգամանքներում «MAN» մակնիշի IZL-877 համարանիշով բեռնատար ավտոմեքենան (վարորդ` Վրաստանի Հանրապետության քաղաքացի 52-ամյա Մամիկ Նիգերաձե) դուրս է եկել ճանապարհի երթեւեկելի մասից եւ շրջվել:
Շտապօգնության աշխատակիցները Մ. Նիգերաձեին ցուցաբերել են բուժօգնություն: Վերջինս հրաժարվել է հիվանդանոց տեղափոխվելուց:
