Ռոբերտո դի Մատեո. Ատլետիկոն լավ թիմ է, բայց ես շատ եմ ցանկանում նվաճել Սուպերգավաթը
Չեմպիոնների լիգայի գործող չեմպիոն Լոնդոնի «Չելսիի» գլխավոր մարզիչ Ռոբերտո դի Մատեոն Եվրոպայի Սուպերգավաթի հանդիպումից առաջ գովեստի խոսքեր է ասել մրցակցի` Մադրիդի «Ատլետիկոյի» հասցեին:
«Ուրախ եմ, որ լավ ենք մեկնարկել մրցաշրջանը: Այդուհանդերձ, դեռ Ֆուտբոլիստներ կան, որոնց ժամանակ է հարկավոր նոր կոլեկտիվին ինտեգրվելու և լավագույն մարզավիճակ ձեռք բերելու համար: Վստահ եմ, որ կարող ենք ավելացնել:
«Ատլետիկոն» շատ լավ թիմ է: Նրանք հաղթել են Եվրոպա լիգան և գերազանց են սկսել նոր մրցաշրջանը: Մադրիդցիների 2 հանդիպումներն էլ դիտել եմ և կարող եմ ասել, որ նրանք շատ ուժեղ են: Ինչևէ, Սուպերգավաթը նույնպես եվրոպական տիտղոս է, և ես ցանկանում եմ նվաճել այն»,- Ռոբերտո դի Մատեոյի խոսքերն է մեջբերում ՈւԵՖԱ-ի պաշտոնական կայքը:
Մարզական լրահոսն ապահովում է SportArmenia.com-ը
