«Պատվի և փառքի» շքանշան` հայազգի գործարարին
Հուլիսի 20-ին Մոսկվայի և Ամենայն Ռուսիո պատրիարք Կիրիլը «Տաշիր» ընկերությունների խմբի նախագահ Սամվել Կարապետյանին պարգևատրել է Ռուս Ուղղափառ եկեղեցու «Պատվի և փառքի» 2-րդ աստիճանի բարձրագույն շքանշանով:
Այն տրվել է Կրոնշտադտի` Նիկոլայ Հրաշագործի անունը կրող տաճարի վերականգնման գործում ունեցած մեծ ներդրումի համար: «Պատվի և փառքի» շքանշանով պարգևատրվում են պետությունների ղեկավարները, միջազգային և միջկառավարական կազմակերպությունների ղեկավարները, պետական և հասարակական ակնառու գործիչները` միջեկեղեցական և միջկրոնական համագործակցության գործում ունեցած խոշոր ավանդի, ինչպես նաև՝ ժողովուրդների միջև խաղաղության և բարեկամության հաստատման գործընթացում ունեցած լուրջ դերակատարման համար:
