Արևելահայերենի դասընթացներ` սիրիահայերի համար
Սիրիահայ դպրոցահասակ երեխաների և երիտասարդների համար Երևանում հայերենի (արևելահայերենի) դասընթացներ են անցկացվում: Դասընթացները կազմակերպում են ՀՀ սփյուռքի նախարարությունը` Երևանի քաղաքապետարանի Կրթության վարչության հետ համատեղ: Հայրենիքում գտնվող սիրիահայերի առաջին խմբի դասերը սկսվել են հուլիսի վերջին: Պարապմունքներն անցկացվում են Ստ. Շահումյանի անվան թիվ 1 դպրոցում: Դասերը վարում է հայոց լեզվի և գրականության հետազոտող ուսուցչուհի, փորձառու մանկավարժ, Երևանի Վ. Բրյուսովի անվան պետական լեզվաբանական համալսարանի հայագիտության ամբիոնի ավագ դասախոս Սուսաննա Աբազյանը: Օգոստոսին կսկսվեն նաև երկրորդ խմբի դասընթացները, որոնց կմասնակցեն «Արի տուն» ծրագրում ընդգրկված երեխաները:
