Դոլարը մի փոքր էլ թանկացավ

«ՆԱՍԴԱՔ ՕԷՄԷՔՍ Արմենիա» բորսայում այսօր` օգոստոսի 2-ին ամերիկյան դոլարի միջին փոխարժեքը հայկական դրամի նկատմամբ կազմել է 409.50 դրամ: Երեկվա համեմատ դոլարը թանկացել է 0.06 %-ով կամ 0.25 կետով: Ընդհանուր առմամբ` բորսայում այսօր վաճառվել է 100 հազ. դոլար:
Փաստորեն, ընթացիկ շաբաթը կարելի է որակել որպես դոլարի «վերելքի շաբաթ». երկուշաբթի օրվանից ի վեր այն անշեղորեն թանկանում է։ Մինչդեռ նախորդ շաբաթվա ընթացքում տեղի էր ունենում հակառակը՝ 1 ԱՄՆ դոլարի փոխարժեքը հուլիսի 20-ից 27-ն ընկած ժամանակահատվածում նվազեց 412.12-ից մինչև 407.27 դրամ։