Պետդեպը Կոնգոյից տարհանում է ամերիկացի դիվանագետների ընտանիքներին

ԱՄՆ Պետդեպարտամենտը տարհանում է ամերիկացի դիվանագետներին և պաշոնյաներին Կոնգոյի Դեմոկրատական Հանրապետությունից։ Ամերիկացիների կյանքի համար մտավախության պատճառը անհանգստությունն է, որը տիրում է այդ երկրում ընտրություններից առաջ, հայտնում է РIA Novosti-ն։

Ըննդիմությունը բողոքի ակցիա է սկսել երկրի գործող նախագահ Ժոզեֆ Կաբիլի դեմ, որին կասկածում են իշխանության ղեկին մնալու ձգտման մեջ։

Երկրում մտավախություն ունեն, որ նա կարող է հետաձգել երկրում նոյեմբերին կայանալիք ընտրությունները և Սահմանադրությունում փոփոխություններ կատարել, ինչը չեղյալ կհայտարարի նախագահական ժամկետների սահմանափակումը։