Անգելա Մերկելը չորրորդ անգամ կառաջադրվի կանցլերի պաշտոնում
Գերմանիայի կանցլեր Անգելա Մերկելը որոշում է կայացրել չորրորդ անգամ առաջադրվել այդ պաշտոնում 2017 թվականին, գրում է գերմանական Der Spiegel շաբաթաթերթը՝ հղում կատարելով սեփական աղբյուրներին:
Պարբերականի տեղեկություններով՝ Մերկելը արդեն քննարկել է նախընտրական արշավի նախապատրաստական հարցերը Քրիստոնեա-դեմոկրատական միության գլխավոր քարտուղար Պետեր Տաուբերի ու այդ կուսակցության տնօրեն Կլաուս Շյուլերի հետ:
Ենթադրվում է, որ պաշտոնապես Մերկելն իր որոշման մասին կհայտարարի 2016 թվականի սկզբին:
Մերկելն այդ պաշտոնը առաջին անգամ զբաղեցրել է 2005 թվականին:
