Եմենի արտգործնախարարը Սաուդյան Արաբիայի գլխավորած դաշինքին կոչ է արել զորքեր մտցնել երկիր
Բրիտանական Reuters լրատվական գործակալության փոխանցմամբ՝ Եմենի արտգործնախարար Ռիյադ Յասինը Սաուդյան Արաբիայի գլխավորած դաշինքի երկրներին խնդրել է զորքեր մտցնել իր երկիր:
Յասինը լրագրողներին հայտնել է, որ դաշնակիցներին կոչ է արել հնարավորինս արագ անել դա՝ փրկելու համար պետության ենթակառուցվածքները և օգնություն ցուցաբերելու համար Եմենի քաղաքացիներին, որոնք փակված են մնում պաշարված քաղաքներում:
Դաշինքի արձագանքը դեռ հայտնի չէ: Ներկա դրությամբ նա ավիահարվածներ է հասցնում Եմենի շիա ապստամբների դիրքերին, որոնց վերահսկողության տակ է գտնվում Եմենի տարածքի մեծ մասը:
