Սև շոկոլադը և նրա՝ մեզ անհայտ 10 առավելությունները

Սև կամ, ինչպես այն անվանում են, դառը շոկոլադի ամենօրյա գործածումը մեր առողջությանը շատ մեծ օգուտ կարող է տալ։ Եվ այսպես՝

Ի՞նչ առավելություններ ունի սև շոկոլադը

1. Սև շոկոլադը կարող է նվազեցնել ինսուլտի ռիսկը:

Շվեդիայում անցկացված հետազոտությունների տվյալներով՝ այն կանանց մոտ, ովքեր 1 շաբաթ շարունակ կերել էին նվազագույնը 45 գրամ սև շոկոլադ, ինսուլտ առաջանալու ռիսկը նվազել է ավելի քան 20%-ով։

2. Օգնում է սրտի առողջ աշխատանքին:

Սև շոկոլադի կանոնավոր օգտագործումը օգնում է նվազեցնել արյան մեջ «վատ» խոլեստերինի քանակը, իջեցնել արյան զարկերակային ճնշումը և, հետևաբար, էականորեն կրճատել սրտանոթային համակարգի հիվանդությունների առաջացման ռիսկերը։

3. Տալիս է հագեցածության զգացողություն։

Շոկոլադը մեծ քանակությամբ բջջանյութ է պարունակում (սննդային մանրաթելեր): Դա նրան դարձնում է այն սննդամթերքներից մեկը, որոնք հագեցածության զգացողություն են առաջացնում։

Այս հատկությամբ սև շոկոլադը լուծում է նաև ավելորդ կիլոգրամներ չհավաքելու խնդիրը։

4. Կարելի է օգտագործել շաքարախտի խնդիր ունեցող հիվանդներին։

Համարվում է, որ սև շոկոլադի հաճախակի օգտագործումը կարող է օգնել շաքարախտի դեմ պայքարի ժամանակ, քանի որ այն բարձրացնում է ինսուլինի նկատմամբ օրգանիզմի զգայունությունը։

5. Բարերար ազդեցություն է գործում մաշկի վիճակի և արտաքին տեսքի վրա։

Շոկոլադը ֆլավոնոիդների բարձր պարունակությամբ մթերք է, հարուստ է նաև հակաօքսիդանտներով, որոնք էլ իրենց հերթին՝ օժտված են ուլտրամանուշակագույն ճառագայթներից մաշկը պաշտպանելու հատկությամբ։

Այնուամենայնիվ, չի կարելի ուտել մի ամբողջ սալիկ սև շոկոլադ և համարել, որ մաշկդ պաշտպանված է արևից։ Պետք է զգույշ լինել և արևի ճառագայթներից պաշտպանող քսուք օգտագործել։

6. Օգնում է թեթևացնել հազի նոպաները։

Շոկոլադի կազմում կա տեոբրոմին կոչվող բաղադրիչը, որն ազդեցություն է գործում թափառող նյարդի վրա, գլխուղեղի այն հատվածի վրա, որը պատասխանատու է հազի նոպաների համար։

7. Օգնում է բարձրացնել տրամադրությունը։

Երբ մարդը ճնշված է, վատ տրամադրություն ունի, դեպրեսիայի մեջ է կամ սթրես է տանում, խորհուրդ է տրվում սև շոկոլադ ուտել։

Այն իրոք թույլ կտա՝ ձեզ ավելի լավ զգաք։ Այդ պատճառով էլ ձեռքի տակ միշտ շոկոլադ ունեցեք։

8. Օգնում է բարելավել արյան շրջանառությունը։

Շոկոլադն օժտված է հակակոագուլյանտային հատկություններով։ Դրանք շատ օգտակար են արյան շրջանառության բարելավման համար, ապահովում են այնպիսի արդյունք, ինչպիսին տալիս է ասպիրինը։

9. Կարևոր է տեսողությունը լավացնելու համար։

Քանի որ, ինչպես արդեն ասվեց, շոկոլադը նպաստում է, որ արյունը գլխուղեղին նորմալ մատակարարվի, համարվում է, որ շոկոլադը կարող է էֆեկտիվ լինել անմիջապես դեպի եղջերաթաղանթ արյունը մատակարարելու հարցում՝ նույնպես։

Իսկ դա, ինչպես հայտնի է, նպաստում է տեսողության լավացմանը։

10. Բարձրացնում է մտավոր ակտիվությունը։

Որոշ հետազոտությունների տվյալներով՝ գլխուղեղի շրջանում արյան լավ շրջանառությունը մեզ ավելի առույգ և ակտիվ լինելու զգացողություն է տալիս՝ դրանով իսկ հեշտացնելով ուսումնառության, ինֆորմացիա մտապահելու և հիշողության հետ կապված այլ գործընթացներ։

Նյութը հրապարակման պատրաստեց ԳՈՀԱՐ ՍԱՎԶՅԱՆԸ