Ազգային ժողովը 2024թ. կարիքների համար պաշտոնական պատվիրակությունների ընդունելության ծառայություններ է ձեռք բերել ոչ մրցակցային՝ մեկ անձ գնման ընթացակարգով։ Գնումն արվել է նորաստեղծ «Չեփթր» ընկերությունից․ ըստ իրավաբանական անձանց ռեգիստրի տվյալների՝ ՍՊԸ-ն ընդամենը սեպտեմբեր ամսին է ստեղծվել և արդեն դեկտեմբերին նման խոշոր ու դեռևս միակ պայմանագիրը կնքել պետական գերատեսչության հետ։
