Արցախի Հանրապետությունից բռնի տեղահանված 64-ամյա Նաիրա Եղիյանը 2 տարի հույսով սպասում է ամուսնուն, որը բենզինի պայթյունից հետո համարվում է անհետ կորած։
Պայթյունից հետո Ստեփանակերտում տիկին Նաիրան մնացել էր մեն-մենակ, բոլոր հարևաններն արդեն դուրս էին եկել, ինքն էլ ստիպված սեպտեմբերի 27-ի ուշ երեկոյան հայտարարություն է տարածել, որ Արցախից դուրս եկողներից մեկն իրեն բերի Հայաստան։ Արձագանքել է արցախցի մի երիտասարդ, ով իր ընտանիքի հետ միասին տիկին Նաիրային հասցրել է Հայաստան։
