Օղակաձև զբոսայգու 4-րդ հատվածի շուրջ օղակը սեղմվում է. «ասեք՝ կանենք» խոստումով քաղաքապետի պաշտոնը ստանձնած Տիգրան Ավինյանը դեռևս չի հստակեցնում, թե ով է ասել, որ անում են, ու անելիքները հիմնավորում է «հանրային գերակա շահ» ընդհանուր եզրույթով:
«Եթե արվարձաններում չկան թենիսի դաշտեր, ապա պետք է քանդել կետրոնի՞նը։ Որտե՞ղ պետք է թենիս խաղա կենտրոնի բնակչությունը, որը Երևան քաղաքի բնակչության մոտ 15 տոկոսն է կազմում, էլ չեմ ասում, որ մարզական հրապարակները պետք է լինեն հանրային կանաչ տարածքների բաղկացուցիչ մասը բոլոր քաղաքներում,- 168.am-ի հետ զրույցում վերջին իրողություններին այսպես է արձագանքում Կադաստրի պետական կոմիտեի նախկին նախագահ, ճարտարապետ, քաղաքաշինարար Սարհատ Պետրոսյանը և հավելում,- Երևանում, Օղակաձև և Թումոյի այգիներից և միգուցե Ծիծեռնակաբերդի անտառից բացի, չկա որևէ հանրային կանաչ հատված, որտեղ լինեն մարզադաշտեր։
