Տնտեսություն

ՎՏԲ-Հայաստան Բանկը վերանայել է ֆիզիկական անձանց S.W.I.F.T. միջազգային փոխանցումների սակագները և այսուհետ հաճախորդները կարող են փոխանցումներ կատարել դեպի Ռուսաստան, ԱՄՆ, Գերմանիա, Անգլիա, Վրաստան, Չինաստան և աշխարհի ցանկացած այլ երկիր իջեցված սակագներով` սկսած 5,000 ՀՀ դրամից USD, EUR և RUR արժույթներով:

Այսօր ք. Երևան, Կոմիտասի 41 հասցեում վերաբացվեց Արդշինբանկի «Արաբկիր» մասնաճյուղը՝ վերանորոգված, տեխնիկապես հագեցած նոր հնարավորություններով և ժամանակակից լուծումներով: Մասնաճյուղում ստեղծվել են բոլոր պայմանները հաճախորդներին բարձրակարգ և համալիր բանկային ծառայություններ մատուցելու համար:

Եվրասիական տնտեսական միությունում ուժի մեջ է մտել նույնականացման միջոցներով ապրանքների մակնշման համաձայնագիրը:

ՀՀ կառավարությունը հաստատեց «Գովազդի մասին» օրենքում փոփոխություններ կատարելու վերաբերյալ նախագիծը:

Կոնվերս Բանկը սկսում է մրցույթների շարք՝ նվիրված հայ մեծերին, ում հոբելյանն ենք նշում այս տարի: Սա Կոնվերս Բանկի հերթական մշակութային նախաձեռնությունն է, որի նպատակն է հայ մեծանուն գրողների մշակութային ժառանգության հանրայնացումը, նրանց ստեղծագործությունների նկատմամբ հետաքրքրության  խթանումը:

Ռուսաստանի Դաշնության՝ Գյուղատնտեսական վերահսկողության ծառայությունը՝ «Ռոսսելխոզնադզորը» արգելել է երրորդ երկրներից թուրքական տանձի  ներկրումը երկիրը։

ԱԺ «Իմ քայլը» խմբակցության պատգամավոր, Տնտեսական հարցերի մշտական հանձնաժողովի նախագահ Բաբկեն Թունյանը ֆեյսբուքյան իր էջում գրում է:

Վարչապետի պաշտոնը ստանձնելուց անմիջապես հետո Նիկոլ Փաշինյանը հայտարարեց, որ մենաշնորհները Հայաստանում վերացված են։ Դրանից կարճ ժամանակ անց հատուկ խորհրդակցություն հրավիրվեց՝ ցույց տալու համար, որ մենաշնորհների վերացումը տալիս է իր արդյունքը. էժանացել են բանանն ու շաքարավազը, որոնց շուտով կհաջորդեն նաև այլ ապրանքներ։

Moody’s միջազգային վարկանիշային գործակալությունը Հայաստանի բանկային համակարգի համար կանխատեսումը փոխել է «կայունից»՝ «դրական»:

Ռուսաստանի Դաշնությունում Հայաստանի Հանրապետության արտակարգ և լիազոր դեսպան Վարդան Տողանյանը մարտի 28-ին հանդիպել է Կրասնոյարսկի երկրամասի նահանգապետ Ալեքսանդր Ուսի հետ:

ՀՀ տնտեսական զարգացման և ներդրումների նախարար Տիգրան Խաչատրյանն այսօր մասնակցել է «Հայաստանը փոփոխությունների շեմին» միջազգային համաժողովի պլենար քննարկմանը, որը կրում էր «Հետհեղափոխական Հայաստան․ մարտահրավերներ և հնարավորություններ» խորագիրը։

Գազավորված ըմպելիքներն ակցիզային հարկով հարկելու օրենսդրական նախա­ձեռ­նու­թյան վերաբերյալ այդ ապրանքատեսակների արտադրությամբ զբաղվող տնտե­սա­վա­րող սուբյեկտները ներկայացրել են որոշ մտահոգություններ և անհամաձայնու­թյուն­ներ, որոնք մանրամասն և բազմակողմանիորեն քննարկվել են կառավարությունում:

ՎՏԲ-Հայաստան Բանկը գարնանային տոների կապակցությամբ բարեգործական տոնավաճառ է կազմակերպել Բանկի գլխամասային գրասենյակում` ի աջակցություն միայնակ մայրերի: Բանկի աշխատակցուհիները մեծ ոգևորությամբ մեկ ամիս շարունակ պատրաստվում էին տոնավաճառին:

Անդրադառնալով պետական պարտքին՝ պատգամավորը նշեց, որ համաձայն է այն կարծիքի հետ, որ պետք չէ վախենալ պետական պարտքից, քանի որ, նրա կարծիքով՝ շատ ավելի կարևոր է, թե այդ պարտքն ինչ նպատակների համար է օգտագործվում։

ՀՀ վարչապետ Նիկոլ Փաշինյանի կարծիքով` ՀՆԱ-ում պետական պարտքի տոկոսի բարձրացման կամ նույնը թողնելու հարցը ռազմավարական նշանակության է, և պետք է քննարկումների արդյունքում որոշում կայացվի: Ն. Փաշինյանն այս մասին ասաց Ազգային ժողովում կառավարության ծրագրերի կատարման ընթացի և արդյունքների մասին զեկույցի ներկայացմանը` պատասխանելով «Բարգավաճ Հայաստան» խմբակցության պատգամավոր Միքայել Մելքումյանի դիտարկմանը:

Կառավարությունը Հարկային օրենսգրքի բարեփոխումների նախագծից հանել է գազավորված ըմպելիքների հարկման դրույթը: «Արմենպրես»-ի հետ զրույցում այս մասին հայտնեց ՀՀ փոխվարչապետ Տիգրան Ավինյանը:

ՀՀ քննչական կոմիտեի նախագահ Հայկ Գրիգորյանն ընդունել է «ԷԼԱՐԴ» ընկերության տնօրեն Ռամեզ Կայալին և փորձագիտական խմբի համակարգող Ռիկարդո Խուրիին:

ՀՀ կառավարությունը պետական բյուջեից 300 հազար դոլար գումար է հատկացրել միջազգային հեղինակավոր ընկերությանը Ամուլսարի հանքավայրում փորձաքննություն իրականացնելու համար: Այս մասին ԱԺ-ում ՀՀ կառավարության ծրագրի կատարման ընթացքի և արդյունքների վերաբերյալ զեկույցի քննարկմանն ասաց ՀՀ վարչապետ Նիկոլ Փաշինյանը՝ պատասխանելով ԲՀԿ խմբակցության պատգամավոր Արթուր Գրիգորյանի հարցին:

Երևանում մարտի 27-ին կայացել է «Աջակցություն Հայաստանի ՓՄՁ զարգացման ռազմավարությանը» թեմայով 2-րդ աշխատաժողովը, որը կազմակերպել է Տնտեսական համագործակցության և զարգացման կազմակերպությունը (ՏՀԶԿ – OECD)։

Պետական եկամուտների կոմիտեն ներդրել է մեծ ծավալի տվյալների(Big Data) վերլուծության հիման վրա գործող անալիտիկ հաշվետվությունների համակարգ:

Այսօր խորհրդարանում ԱԺ «Բարգավաճ Հայաստան» խմբակցության պատգամավոր Տիգրան Ուրիխանյանը Կառավարության հարցուպատասխանի ժամանակ հարց բարձրացրեց, թե, ի վերջո, ինչ է լինելու գրավատների ու տարադրամի փոխանակման կետերի աշխատակիցների հետ, որոնք այսօր առավոտից բողոքում են Ազգային ժողովի մոտ՝ նշելով, որ հարկերի բարձրացման հետևանքով իրենցից շատերը կփակվեն։

ԱԺ «Լուսավոր Հայաստան» խմբակցության պատգամավոր Մանե Թանդիլյանն այսօր ԱԺ-ում Կառավարության ծրագրի զեկույցը ներկայացնող ՀՀ վարչապետ Նիկոլ Փաշինյանից հետաքրքրվեց, թե տեքստիլի արտադրության ասպարեզում, «Ալեքս տեքստիլից» բացի, որը պատկանում է Սամվել Ալեքսանյանին, կա՞ն այլ բիզնես ընկերություններ, եթե կան, ապա ի՞նչ չափաբաժին են կազմում։

Հանդիսավոր արարողությամբ բացվեց «Սպայկա» ագրոհոլդինգի պանրի և կաթնամթերքի այլ տեսակների գերժամանակակից տեխնոլոգիաներով հագեցած գործարանը:

ԱԺ «Լուսավոր Հայաստան» խմբակցության պատգամավոր Գևորգ Գորգիսյանն այսօր ԱԺ-ում ՀՀ վարչապետից հետաքրքրվեց՝ կա՞ն թվեր, թե 2017 թվականի դեկտեմբերի համեմատ՝  2018 թվականին արտահանման աճ եղե՞լ է, և 2018 թվականի ընթացքում քանի՞ հոգի է վերադարձել Հայաստան։

«Ես ուզում եմ, որ մենք հասկանանք, որ կա երկու տեսակի քննադատություն, առաջինը, որը հնչեցնում ենք այստեղ, որի նպատակն ավելի լավ պետություն ունենալն է, և կա քննադատություն, որը ևս բնական է, նախկին ռեժիմը, բնականաբար, պետք է ռեակցիոն քննադատություն ներկայացնի»,- ասաց պատգամավորը։

ԱԺ-ն ընդունեց Իրանի և ԵԱՏՄ անդամ երկրների միջև ազատ առևտրի գոտու ձևավորման մասին ժամանակավոր համաձայնագիրը վավերացնելու մասին օրենքի նախագիծը։ 

ՀՀ վարչապետ Նիկոլ Փաշինյանը խորհրդարանում իր ելույթի ժամանակ նշեց, որ այս պահին կառավարության հետ քննարկվում է թվով 89 ներդրումային ծրագիր՝ 3,1 մլրդ դոլար ընդհանուր արժողությամբ։

Արդյունաբերական արտադրանքի ծավալը հունվար-փետրվար ամիսներին աճել է 1,9 տոկոսով, չնայած այն հանգամանքին, որ հունվարին արդյունաբերական արտադրանքը նվազել էր 1,1 տոկոսով, իսկ փետրվարին գրանցված 4,7 տոկոս աճի շնորհիվ՝ երկամսյա հանրագումարը կազմել է 1,9 տոկոս։ Այս մասին ԱԺ ամբիոնից հայտարարեց ՀՀ վարչապետ Նիկոլ Փաշինյանը։

ՀՀ վարչապետ Նիկոլ Փաշինյանի խոսքով՝ Հայաստանում այսօր հետաքրքիր գործընթացներ են տեղի ունենում շինարարության ոլորտում՝ հունվար-փետրվար ամիսներին այդ ոլորտում եղել է 20 տոկոսը գերազանցող աճ։

ՀՀ վարչապետ Նիկոլ Փաշինյանը վստահ է, որ տնտեսության մեջ լինելու են և արդեն կան լրջագույն հաջողություններ։ Այս մասին նա հայտարարեց ԱԺ ամբիոնից՝ նշելով, թե նման եզրակացության են եկել հաշվի առնելով կառավարության վերջին ամիսների գործունեությունը։