Մոուրինիոն ցանկանում է գնել Կրոսին և Բեյլին
Ինչպես հաղորդում է Marca-ն, «Մանչեսթեր Յունայթեդի» գլխավոր մարզիչ Ժոզե Մոուրինիոն ցանկանում է թիմում տեսնել «Ռեալի» կիսապաշտպան Թոնի Կրոսին և մադրիդյան ակումբի հարձակվող Գարեթ Բեյլին:
Նշվում է, որ «Կարմիր սատանաների» ղեկավարությանը դժվար կլինի համոզել «սերուցքայիններին»՝ վաճառել մեկնարկային կազմի երկու ֆուտբոլիստների:
Նախորդ մրցաշրջանում Կրոսը Լա Լիգայում անցկացրել է 27 խաղ, խփել է 5 գոլ և կատարել է 2 փոխանցում: Բեյլն օգնել է «Ռեալին» 26 խաղերում՝ դառնալով 16 գոլի և 2 փոխանցման հեղինակ:
Ավելի վաղ հաղորդվել էր, որ Գարեթը մտադիր է ամռանը հեռանալ մադրիդյան ակումբից, սակայն նոր գլխավոր մարզիչ Խուլեն Լոպետեգին համոզել է նրան մնալ թիմում:
Պատրաստեց Անի Գաբուզյանը
