Ռուանդայում առնվազն 16 մարդ է մահացել կայծակի հարվածից
Ռուանդայի եկեղեցիներից մեկում առնվազն 16 մարդ է մահացել կայծակի հարվածի հետեւանքով, վիրավորվել են տասնյակ բնակիչներ: Այդ մասին հայտնել է Mena FN հրատարակությունը՝ վկայակոչելով տեղական իշխանություններին:
Ինչպես գրել է հրատարակությունը, կայծակը եկեղեցուն հարվածել է Նյարյուգուրու բնակավայրում: Առնվազն 16 մարդ է զոհվել միջադեպի հետեւանքով, նրանց մեծ մասը մահացել է տեղում:
Տեղական իշխանությունների տվյալներով՝ 140 մարդ հոսպիտալացվել է: Նշվում է, որ նույն շրջանում կայծակի այլ հարվածից եւս մեկ մարդ է մահացել, հաղորդել է ՌԻԱ Նովոստին:
