«Շառլ Ազնավուրը Հայաստանի համար անում է շատ ավելին, քան ես». Մխիթարյան
Հայաստանի ազգային հավաքականի և «Մանչեսթեր Յունայթեդի» ֆուտբոլիստ Հենրիխ Մխիթարյանը «Матч ТВ»-ի պատրաստած ֆիլմում խոսել է նաև Հայաստանի մասին:
«Հայաստանի գլխավոր դեսպանը Շառլ Ազնավուրն է: Շառլ Ազնավուրը Հայաստանի համար անում է շատ ավելին, քան ես:
Կան մարդիկ, որ չեն հետաքրքրվում ֆուտբոլով, այլ հետաքրքրվում են մշակույթով: Նրանք ավելի մոտ են Շառլ Ազնավուրին:
Ես նպատակ ունեմ հաղթել շատ մրցանակներ: Ինձ համար դա ամենից կարևորն է, քանի որ կարիերայի ավարտին դրանք դառնալու են լավ հիշողություններ:
Եթե քեզ համար անուն ես ստեղծում, այն հետո աշխատում է քեզ համար: Ես աշխատում եմ խաղալ այնպես, որ մարդիկ հիշեն ինձ և խոսեն միայն լավը»,- նշել է Մխիթարյանը:
Սիրարփի Աղաբաբյան
