Դորտմունդի «Բորուսիան» Օբամեյանգի հեռանալու դեպքում կարող է գնել Օլիվիե Ժիրուին
«Արսենալի» հարձակվող Օլիվիե Ժիրուն կարող է տեղափոխվել Դորտմունդ:
Դորտմունդի «Բորուսիայի» գաբոնցի հարձակվող Պիեր-Էմերիկ Օբամեյանգն ամենայն հավանականությամբ այս ամառ կհեռանա ակումբից: Հարձակվողի ծառայություններով հետաքրքրված են նրա նախկին ակումբը՝ «Միլանը» և «Չելսին», որը պարտվեց «Մանչեսթեր Յունայթեդին» Ռոմելու Լուկակուի համար պայքարում:
Գերմանական ակումբում իրենց գլխավոր ռմբարկուի համար արդեն սկսել են փոխարինող որոնել: Ըստ The Times-ի տեղեկության, «Բորուսիայի» ղեկավարությունն իր ընտրությունը կանգնեցրել է տրանսֆերային բազում լուրերի մեկ այլ մասնակցի՝ Օլիվիե Ժիրուի վրա: Ֆրանսիացին հետաքրքրում է ԱՊԼ-ի բազմաթիվ ակումբների, ինչպես նաև «Մարսելին», ինչի համար «Բորուսիան» կարող է հանդիպել բարձր մրցակցության:
Նախորդ մրցաշրջանում Օլիվիեն ԱՊԼ-ում անցկացրած 29 խաղերում դարձել է 12 գոլի և 5 փոխանցման հեղինակ:
Պատրաստեց Անի Գաբուզյանը
