«Մանչեսթեր Յունայթեդը» ներկայացրեց Վիկտոր Լինդելյոֆին
Լինդելյոֆը վերջապես ավարտին հասցրեց «Մանչեսթեր Յունայթեդ» տեղափոխությունը: Անգլիական ակումբը հայտարարեց 22-ամյա պաշտպանի հետ 4-ամյա (1 տարով երկարաձգելու հնարավորությամբ) պայմանագրի կնքման մասին:
Գործարքի արժեքը չի հրապարակվում, բայց ավելի վաղ հաղորդվել էր, որ «Կարմիր սատանաները» պաշտպանի տրանսֆերի համար կվճարեն 34 մլն եվրո: «Վիկտորը» երիտասարդ և տաղանդավոր ֆուտբոլիստ է, ով մեծ ապագա ունի «Մանչեսթեր Յունայթեդում»: Անցյալ մրցաշրջանը ցույց տվեց, որ մենք կազմն ուժեղացնելու տարբերակների կարիք ունենք»,- գործարքը մեկնաբանել է մանկունյանցիների գլխավոր մարզիչ Ժոզե Մոուրինիոն:
«Շատ ուրախ եմ «Մանչեսթեր Յունայթեդ» տեղափոխվելու համար: Ինձ դուր էր գալիս «Բենֆիկան», ես այնտեղ շատ բան եմ սովորել: Բայց հիմա անհամբերությամբ սպասում եմ «Մանչեսթեր Յունայթեդի» կազմում դեբյուտային խաղին»,- ասել է Լինդելյոֆը:
Պորտուգալիայի 2016-17թթ. մրցաշրջանում անցկացրած 32 խաղերում 22-ամյա պաշտպանը խփել է 1 գնդակ:
Պատրաստեց Անի Գաբուզյանը
